லொஸ் ஏஞ்சல்ஸில் உள்ள The Interchange Group இன் ஆலோசனை நிறுவனத்தின் முதல்வாரன ஏமி ஹிர்ஷ் ரொபின்சன் அவர்கள் “புதிய ஊழியர்கள் தொடர்ந்து ஈடுபாட்டுடன் இருப்பதற்கு அல்லது பணியிலிருந்து விலகி இருக்க முடிவு செய்யும் போது அவர்களை பணியில் உள்வாங்கிக் கொள்வது என்பது ஒரு மாயாஜால தருணம்,” என்று குறிப்பிட்டார். “புதிய ஊழியர்களுடன் அவர்களின் தொழில் வாழ்க்கைக் காலத்தில் உங்களுடன் தொடர்ந்தும் தங்கியிருக்கும் ஒரு நற்தோற்றத்தை நீங்கள் உருவாக்கும்போது இது ஒரு நிரந்தரமான ஆரம்பத்தை வழங்குகிறது.”
உங்கள் நிறுவனம் எவ்வாறு பார்க்கப்படுகிறது மற்றும் விளம்பரப்படுத்துகிறது, அதே போல் நீங்கள் எவ்வளவு கவனமாக விண்ணப்பதாரிகளை எடை போடுகிறீர்கள், என சரியான பணியாளரைக் கண்டுபிடிப்பதில் வெற்றிக்கு இவை அனைத்தும் எவ்வளவு முக்கியமானவை என்பதை வலியுறுத்தித் தெரிய வேண்டியதில்லை. இவை தொடர்பான பல்வேறு ஆக்கங்கள் வெளிவந்துள்ளன. நீங்கள் அந்தச் சிறந்த நடைமுறைகளைப் பின்பற்றியுள்ளீர்கள் என்று வைத்துக் கொண்டால், இந்தக் கட்டுரையில் இதற்கு ஈடாக முக்கியமான ஊழியர் உள்வாங்கல் நடைமுறை அனுபவத்தைப் பற்றிப் பேசுவோம்.
Onboarding New Employees என்பதன் பதிப்பாசிரியரான கலாநிதி டல்யா பவர்: வெற்றியை உச்சப்படுத்தல், குறைந்த பட்சம் முதல் மிகவும் பயனுள்ள வரையிலான நான்கு வேறுபட்ட மட்டங்களை அடையாளம் கண்டுள்ளது:
- இணக்கம்
- தெளிவுபடுத்துதல்
- கலாச்சாரம்
- இணைப்பு
இதை பின்வருமாறு பிரிக்கலாம்,
| இணக்கம் | தெளிவுபடுத்துதல் | கலாச்சாரம் | இணைப்பு |
| சட்ட மற்றும் கொள்கை தொடர்பான பிரச்சனைகளை ஊழியர்களுக்கு உணர்த்தும் பொறுப்பை மனித வளப் பிரிவு ஏற்க வேண்டும் | ஒரு புதிய பணிப்பொறுப்பு பணியாளருக்கு முறையாகத் தெரிவிக்கப்பட வேண்டும் | நிறுவனத்தின் விழுமியங்கள் மற்றும் விதிமுறைகளை அவர்கள் நன்கு அறிந்திருப்பது அவசியம் | ஏனையவர்களுடன் இணைப்புக்களை ஏற்படுத்த ஊக்குவிக்கவும் |
| தன்னை இதற்கு பழக்கப்படுத்திக் கொள்வதற்கு அவருக்கு அவகாசம் கொடுத்து இதை ஆரம்பத்திலிருந்தே தொடங்குவது நல்லது | பயிற்சியுடன் ஒப்பிடுகையில் வழிகாட்டுதலில் கவனம் செலுத்துங்கள் (பயிற்சி தேவையில்லை என்று அர்த்தமல்ல) | நிறுவனத்தின் நோக்கு மற்றும் தன்னேற்புத்திட்டம் அவர்களுக்கும் தெரிவிக்கப்பட வேண்டும் | பணிச்சூழலில் அவர்களை அரவணைத்து உள்ளடக்கியதாகவும் சௌகரியமாகவும் உணரச் செய்யுங்கள் |
| 30-90 நாட்கள் மேம்பாட்டுக்கான காலத்தை மதிக்கவும் | அவர்களுக்கு பணியாளர் கையேட்டை கொடுங்கள் | அவர்களை தகவல் வலையமைப்புகளுடன் இணைப்பது அவசியம் |
மேலே குறிப்பிட்டுள்ள உதவிக்குறிப்புகளைப் பின்பற்றுவது சந்தேகத்திற்கு இடமின்றி சரியான பாதையில் உங்களை அழைத்துச் செல்லும். ஆனால் உங்கள் பணியாளர் உள்வாங்கல் நடைமுறை எவ்வளவு பயனுள்ளதாக உள்ளது என்பதை மதிப்பீடு செய்வது மிக அவசியம். நிறுவனம் மற்றும் அணியைப் பற்றி சில கேள்விகளைக் கேட்பதன் மூலம் உங்களை நீங்களே கேள்விகளைக் கேட்பதன் மூலமும், பரந்த கண்ணோட்டத்தில் இருந்தும் இது தனிப்பட்ட மட்டத்தில் மேற்கொள்ளப்படலாம்.
பணியாளர் உள்வாங்கல் நடைமுறை பற்றி நீங்கள் கேட்கக்கூடிய சில முக்கியமான கேள்விகளாக பின்வருவனவற்றை அடையாளம் காணலாம்,
- புதிய பணியாளர்கள் பணிபுரியவும் அணியுடன் ஒத்துழைக்கவும் எவ்வாறு ஊக்குவிக்கப்படுகிறார்கள்?
- அவர்கள் பணியில் வரவேற்கப்படுவதாகவும், ஏற்கனவே உள்ள ஊழியர்களிடமிருந்து அவர்களுக்கு அங்கீகாரம் கிடைக்கும் என்றும் நினைக்கிறீர்களா?
- இறுதி நோக்கத்தை நோக்கி அவர்கள் எவ்வளவு கவனம் செலுத்துகிறார்கள்?
- உங்கள் புதிய பணியாளர்கள் தங்கள் பொறுப்புகளை நிறைவேற்றுவதற்குப் பணிபுரியும் சூழலை தமக்கு ஏற்றதாகக் காண்கிறார்களா?
- செயல்முறையில் அவர்கள் ஆக்கபூர்வமான கருத்துக்களை வழங்குகிறார்களா?
இந்த உதவிக்குறிப்புகளைப் பின்பற்றுவது, நீங்கள் கவனமாகத் தேர்ந்தெடுத்த ஊழியர்களை மகிழ்ச்சியாகவும், ஈடுபாட்டுடனும் உங்கள் நிறுவனத்துடன் நீண்ட காலத்திற்கு வைத்திருக்க உதவும். இது உங்கள் மனித வள செலவினங்களைக் குறைக்கலாம், உற்பத்தித்திறனை மேம்படுத்தலாம், நீண்ட காலத்திற்கு நிறுவனத்திற்கு மற்ற வெளியே வெளிப்படையாகத் தெரியாத பலன்களைக் கொண்டு வரும்.