ඔබේ කාර්ය මණ්ඩලය ඔබේ වටිණාම වත්කමයි. ඔබ සමඟ වැඩ කිරීමට කැප වූ කාර්ය මණ්ඩලය නොමැතිව වුවහොත්, ඔබ වැඩ කටයුතු කරගන්නේ කෙසේද? එසේ වුවද බොහෝ අවස්ථා වකදී අප ව්‍යාපාරික සංරචකයකට හසු වී අප සතුව ඇති මානව සම්පත් සම්පූර්ණයෙන්ම අමතක කරන්නෙමු. ඔබේ හොඳම වත්කම වන ඔබේ කාර්ය මණ්ඩලය සතුටින් තබා ගැනීමට නම්, ඔබ කළ යුතු සහ නොකළ යුතු දේවල් කිහිපයක් මෙන්න.
රැකියා – පුද්ගලික ජීවිතවල සමතුලිතතාවයට ප්‍රමුඛත්වය දෙන්න
ඔබත් ඔබගේ කාර්ය මණ්ඩලයේ සැවොමත් මුළු රාත්‍රිය මුළුල්ලේම එමෙන්ම, සති අන්තයේ සහ නිවාඩු දිනවලදීද වැඩ කිරීමට බලාපොරොත්තු වන්නේ නම්, ඔබට අතෘප්තිමත් කාර්ය මණ්ඩලයක් ලැබෙනු ඇත. එවිට ඔවුන් ඊළඟ රැකියාව සොයා ගන්නා තෙක් ඔබ සමඟ රැදෙනු ඇත. කර්‍යාල වේළවේදි එම වැඩත්, ඔවුන් නිවසට ගිය විට ඔවුන්ගේ පුද්ගලික වැඩත් එක ලෙස කරගත හැකි වනසේ කටයුතු කරන්න.
නම්‍යශීලී වැඩ කාලසටහන් ඉදිරිපත් කරන්න
නම්‍යශීලී බව කාර්‍යාල වැඩ සහ ඉන් පිටත ජීවිතයද පහසු කරයි, එය ඵලදායිතාව ද වැඩි කරයි. අපගේ මානසිකත්වය වඩාත් ප්‍රගතිශීලී විය යුතු අතර, නිශ්චිත වේලාවක් තුල වැඩකිරීම පසෙක තබා, අපට කාර්යයන් හොදින්ම ඉටු කර ගත හැක්කේ කෙසේද යන්න පිළිබඳව අප සිතීම ආරම්භ කළ යුතුය. දවස අවසානයේදී, කාර්යය සිදු වන්නේ නම් සහ එහි ගුණාත්මකභාවය සපුරා ඇත්නම්, දවසේ වේලාව සැබවින්ම වැදගත් වන්නේද?
ඔබේ කාර්ය මණ්ඩලය / සේවකයන්ට සවන් දෙන්න
ඔබේ සේවකයන් ඔබට යමක් පැවසීමට උත්සාහ කරන විට ඔවුන්ට ක්‍රියාශීලීව සහ වුවමනාවෙන් යුතුව සවන් දෙන්න. ඔවුන්ව ප්‍රතික්ෂේප කිරීම හෝ අවමානයට ලක් කිරීමේ වරද කිසිවිටෙක නොකරන්න. ඔවුන් කතා කරන අතරතුර ඔබ නිගමනවලට නොපැමිණීමට වග බලා ගන්න. මුලින්ම ඔවුන්ට ඇහුම්කන් දී, සෑම මිනිසෙකුටම තමන්ගේම ඉදිරිදර්ශනයක් තිබිය හැකි බවට ගරු කරන්න.
ප්‍රියතමයන් කිසිවක් තෝරා නොගන්න
සෑම විටම විශේෂ සැළකිලි ලබන සමහර සේවකයින් සිටින බව දැනෙන විට අනෙක් සේවකයින් දැඩි අතෘප්තියකට පත් වේ. සමහර සේවකයින් අනෙකුත් සේවකයින්ට වඩා හොඳින් වැඩ තේරුම් ගෙන ඉහළ කාර්ය සාධනයක් ලබා දෙන සත්‍යය. එසේ වුවද, ඔබගේ තෝරාගත් ප්‍රියතමයන් සිටීම ඉතා හානිදායකය. මන්දයත් එවිට, අනෙකුත් සේවකයන් සියල්ලම ඔබතෝරාගත් ප්‍රියතමයන් හා සැසැදෙනු නොඅනුමාන බැවිනි.
ඔබේ කාර්ය මණ්ඩලය / සේවකයන්ට කළ නොහැකි දේ බලාපොරොත්තු නොවන්න
මිනිසුන්ට සීමාවන් තිබේ. ඔවුන් ඉතා බුද්ධිමත්, දක්ෂ සහ ඉහළ කාර්ය සාධනයක් ඇති පුද්ගලයන් විය හැකිය, නමුත් ඔවුන්ටද නිසැකවම සීමාවන් ඇති අතර, ඔබට එම සීමාවන්ද හඳුනා ගැනීමට හැකි විය යුතුය. යමෙකුට කිරීමට අපහසු දේවල් දහයක් ලබා දී ඊළඟ දවසේ ප්‍රතිඵලයක් බලාපොරොත්තු නොවන්න. ඔවුන්ට සාධාරණ ඉලක්ක සහ නියමිත කාලසීමාවන් ලබා දී ඔවුන් අභියෝගවලට මුහුණ දෙන්නේ නම්, ඔවුන්ට අදාළ සහාය ලැබෙන බව ඔවුන්ට දන්වන්න.
ඔවුන්ට අගෞරව නොකරන්න
කිසිවෙක් අගෞරවයට පත් වීමට කැමති නැත. එය කටහඬක ස්වරයෙන්, ශරීර භාෂාවෙන් හෝ සෘජු කථාවෙන් පවා පිළිබිඹු විය හැකි දෙයකි. සැම ආකාරයකින්ම, ඔබේ කාර්ය මණ්ඩලයට ගෞරවයෙන් සලකන්න. ඔබ ඔවුන්ට වැටුපක් ගෙවන්නේ නම්, එම ගෙවීම සඳහා ඔවුන් ඔබට ඔවුන්ගේ කුසලතා සහ සේවාවන් සපයන බව මතක තබා ගන්න.
මේවා ඔබේ කාර්ය මණ්ඩලය සතුටින් සිටින බව සහතික කිරීම සඳහා ඔබට ක්‍රියාත්මක කළ හැකි කළ යුතු සහ නොකළ යුතු දේවල් කිහිපයකි. ඔබේ කාර්ය මණ්ඩලය සතුටු වන්නේ නම්, ඔබේ ගනුදෙනුකරුවන් ද සතුටු වන බව මතක තබා ගන්න.
තවත් වටිනා ව්‍යාපාරික දැනුම සඳහා අපේ වෙබ් අඩවිය වෙත පිවිසෙන්න