- சூழலுக்கு ஏதுவான பொதி செய்தல் முறைகளை தேர்ந்தெடுப்பதற்கான காரணங்கள்.
- ஏன் மற்றும் எதற்கு இச்செயல்பாட்டிற்கான அறிவுறுத்தல்களை வழங்க வேண்டும் என்பதை அறிந்து கொள்ளுதல்
- உங்களால் ஏற்படும் காபன் சேர்க்கையை சூழலில் மட்டுப்படுத்தல்
- பல்துறை மற்றும் வர்த்தகநாம குறியீட்டை மேம்படுத்துதல்.
- நச்சு செயற்கை மற்றும் ஒவ்வாமை அற்ற மூலப்பொருட்களை பொதி செய்ய பயன்படுத்தல்.
- மீள்சுழற்சி மற்றும் மீள்பாவனை மிக்க தன்மை.
இன்று அதிகளவிலான சிறிய மற்றும் நடுத்தர நிறுவனங்களின் வியாபார செயற்பாடுகள் மற்றும் தொழில்துறையானது பரந்த உலகளாவிய இயக்கத்தின் ஒரு பகுதியாக மாறியுள்ளது. எனவே சுற்றுச்சூழல் நட்புணர்வு மிக்க பொதியிடல் முறையானது சூழல் பாதுகாப்பு உணர்வை ஊக்குவிப்பதோடு திறன்மிக்க பொதியிடல் செயற்பாடாக அமைகிறது. இவ்வாறான சூழலுக்கு ஏதுவான பொதி செய்தல் முறைகளுக்கான அறிக்கைகளை வெளியிடுதலுக்கான அவசியம் மற்றும், உங்கள் வர்த்தகத்தில் நீங்கள் ஏன் அவற்றை சேர்த்துக் கொள்ள வேண்டும், அதனால் ஏற்படும் பயன்கள் என்ன என்பது பற்றியும் சில குறிப்புகள் இங்கே உள்ளன.
உங்கள் வியாபாரத்தால் சூழலில் ஏற்படும் கார்பன் சேர்க்கையை கட்டுப்படுத்தல்
இன்று பல வாடிக்கையாளர்கள் அவர்கள் தேர்ந்தெடுக்கும் உற்பத்திகளால் ஏற்படும் சூழல் பாதிப்பை பற்றி அதிகம் கவனம் செலுத்துவதோடு அவர்கள் தேர்ந்தெடுக்கும் பொருட்களின் வர்த்தக நாம குறியீடுகள் மற்றும் அவற்றில் குறிப்பிடப்படும் பொதிசெய்தல் முறையின் சூழல் நட்பிற்கான அறிவுறுத்தல்கள் மீது அதிக அக்கறை செலுத்துகின்றனர். இவ்வாறான அறிவுறுத்தல்களை உங்கள் வர்த்தகத்தில் அதன் வர்த்தக நாமத்துடன் சேர்த்து வழங்கும் போது அது ஒரு சந்தைப்படுத்தல் உத்தியாக அமைவதோடு உங்கள் நிறுவனம் சூழல் மீது கொண்டுள்ள பொறுப்புணர்வை எடுத்துக்காட்டவும் உதவுகின்றது. இது உங்கள் வர்த்தக நாமத்தின் மீதுள்ள வியாபாரத்தை தாண்டிய சூழல் அக்கறை, ஏனைய நிறுவனங்களுக்கு சூழல் சார்பான பொதி செய்தல் முறைகளை கையாளுவதற்கான ஊக்குவிப்பாக அமைவதோடு உங்கள் வியாபாரத்தால் ஏற்படக்கூடிய சூழல் மாசடைதல் மற்றும் கார்பன் சேர்க்கையை கட்டுப்படுத்தவும் உதவுகிறது.
ஒவ்வாமை மற்றும் நச்சுப் பொருளற்ற மூலப் பொருளாலான பொதி செய்தல்
இன்று வாடிக்கையாளர்கள் ஒரு பொருளை தெரிவு செய்யும்போது பொதி செய்தலில் உள்ள மூலப் பொருட்களினால் ஏற்படும் தீங்குகள், சுகாதாரக்கேடுகள் மற்றும் ஆரோக்கியம் பற்றி அதிகம் கவனம் செலுத்துகின்றனர். இதனால் ஒவ்வாமை மற்றும் நச்சுப் பொருட்கள் அற்ற பொதிசெய்தல் முறைகளை பயன்படுத்துவதன் மூலம் உங்கள் வாடிக்கையாளர்களின் ஆரோக்கிய வாழ்வை மேம்படுத்த முடியும். சூழலோடு மக்கி மீள் சுழற்சிக்கு உட்படக்கூடிய மூலப் பொருட்கள் ஆரோக்கியமிக்க பொதி செய்தலுக்கு மிகச் சிறந்த தெரிவாகும். இவை சூழலில் இலகுவாகவும், தேவைக்கேற்ப கிடைப்பதோடு பாரம்பரிய பொதி செய்தல் இயந்திரங்களில் மிக எளிய முறையில் மலிவான விலையில் உற்பத்தி செய்து கொள்ள கூடியவையாக உள்ளன.
பல்துறைகளில் சூழலுக்கு ஏதுவான பொதி செய்தல் மூலம் வர்த்தக நாமத்தை மேம்படுத்தல்
பல்வேறு வியாபார துறைகளிலும் இத்தகைய சூழலுக்கு ஏதுவான பொதி செய்தல் முறைகளை கையாள முடியும். உணவு உற்பத்தி, ஆடைகள், அழகு சாதன பொருட்கள், மின்சார உதிரிப் பாகங்கள் என எல்லாத்துறை துறைகளிலும் தேவைக்கேற்ப சூழலுக்கு ஏதுவான பொதி செய்தல் முறைகளை பயன்படுத்த முடியும். இத்தகைய செயற்பாடுகளானது உங்கள் வாடிக்கையாளர் மத்தியில் நீங்கள் சூழல் மீது கொண்டுள்ள அக்கறையை உணர்த்துவதோடு, நன்மதிப்பு மற்றும் நம்பிக்கையை விருத்தி செய்ய உதவுகிறது. இது நிலையான உற்பத்திகளின் நேர்த்தியான தன்மையைஅதிகரிக்க உதவுகிறது.
எளிதாக மீள்சுழற்சி மற்றும் மீள்பயன்பாட்டிற்கு பயன்படுத்துதல்
நுகர்வு பொருட்களின் பொதிகளை மீள்பயன்பாட்டிற்கு உட்படுத்துவதன் மூலம் அவற்றால் ஏற்படும் சூழல் மாசுபடலை தவிர்த்துக் கொள்ளலாம். இதனால் பயன்படுத்தப்பட்ட மூலப் பொருளின் பாவனை காலம் அதிகரிப்பதோடு புதிய பொருளின் தேவையை குறைத்து அதற்கான தேவையை ஈடு செய்கின்றது. இத்தகைய பொதிகளை பயன்படுத்தி கலைநயம் மிக்க கைவினைப் பொருட்கள் தயாரிப்பதன் மூலம் கைவினைப் பொருட்களுக்கான செலவினை சேமிக்க முடிகிறது.
எனவே நீங்களும் பசுமை நிறைந்த சூழல் நட்புமிக்க அறிவுறுத்தல்கள் உங்கள் வாடிக்கையாளர்களுக்கு வழங்குவதன் மூலம் பொறுப்பு மிக்க வியாபார நிறுவனமாக விளங்கி உங்கள் வாடிக்கையாளர்களின் நம்பிக்கையை வெல்லக்கூடிய சூழலையும் பாதுகாக்க முடியும்.
