சிறு மற்றும் நடுத்தர தொழில் வியாபாரங்கள் (SME) இலங்கைப் பொருளாதாரத்தின் முதுகெலும்பாகத் திகழ்வதுடன், வேலைவாய்ப்பு மற்றும் மொத்த உள்நாட்டு உற்பத்தி என்பவற்றிற்கு குறிப்பிடத்தக்க பங்களிப்பை வழங்குகின்றன. இருப்பினும் இந்த நாடு பல பின்னடைவுகளை எதிர்கொண்டதன் காரணமாக வியாபாரங்களின் நிலைத்திருப்பு சிக்கலாகியிருந்தது. குறிப்பாக புது வியாபாரங்கள் மற்றும் SMEகள் இதனால் பெரும் சிக்கல்களை எதிர்கொண்டன. எனவே இதனை தடுக்க பல்வகைப்படுத்தல் உதவுவதோடு, நீண்டகால நிலைத்தன்மையை உறுதி செய்வதற்கும் ஒரு சக்திவாய்ந்த வியூகமாக அமைய முடியும்.
எப்போது பல்வகைப்படுத்தப்பட வேண்டும்
பல்வகைப்படுத்தல் எப்போது கருத்தில் கொள்ளப்பட வேண்டும்:
- உங்கள் தற்போதைய சந்தை முடிவுறும் தருவாய்: உங்கள் தற்போதைய தயாரிப்பு அல்லது சேவை தீவிர போட்டியினை எதிர்கொண்டால், இது லாபங்கள் மற்றும் பங்குகள் வீழ்ச்சிக்கு வழிவகுக்கிறது.
- உங்கள் முக்கிய வியாபாரம் சுழற்சி தன்மையாக இருந்தால்: உங்கள் வருவாய் ஓடையானது பருவகால ஏற்ற இறக்கங்கள் அல்லது பொருளாதார சுழற்சிகளை பெரிதும் எதிர்பார்த்திருந்தால்,
- புதிய வாய்ப்புகள் உருவாகும் சந்தர்ப்பம்: உங்கள் வியாபரத்திற்கு கணிசமாக பயனளிக்கும் புதிய சந்தை பிரிவுகள் அல்லது தொழில்நுட்பங்களை நீங்கள் அடையாளம் கண்டால்.
- உங்கள் போட்டியாளர்கள் பல்வகைப்படுத்தும் தருணம்: இது போட்டி எல்லையினைப் பராமரிக்கவும், நீங்கள் பின்னால் விடப்படுவதனை தவிர்க்கவும்.
பல்வகைப்படுத்துவது எப்படி
- முழுமையான சந்தை ஆராய்ச்சியை ஒழுங்கு செய்தல்: புதிய சந்தைப் பிரிவுகள், வாடிக்கையாளர் தேவைகள் மற்றும் சாத்தியமான போட்டியாளர்களை அடையாளம் காணவும்.
- உங்கள் முக்கிய திறன்களை பகுப்பாய்வு செய்யுங்கள்: உங்கள் வியாபாரம் எதைச் சிறப்பாகச் செய்கிறது என்பதையும், புதிய பகுதிகளில் அதன் பலங்களை எவ்வாறு பயன்படுத்தலாம் என்பதையும் தீர்மானிக்கவும்.
- பல்வகைப்படுத்தல் உத்தியைத் தேர்வுசெய்க:
- தொடர்புடைய பல்வகைப்படுத்தல்: உங்கள் தற்போதைய வியாபாரத்துடன் தொடர்புடைய வியாபாரமாக விரிவடைதல். உதாரணமாக – ஒரு ஆடை விற்பனையாளர் பாதணி விற்பனையாளராகவோ, ஏனைய உற்பத்தி விற்பனையாளராகவோ விரிவடையலாம்.
- தொடர்பில்லாத பல்வகைப்படுத்தல்: முற்றிலும் புதிய மற்றும் தொடர்பில்லாத வியாபாரங்களில் நுழைதல். உதாரணமாக ஒரு தொழில்நுட்ப நிறுவனம், கட்டட, வீடு விற்பனையில் முதலீடு செய்யலாம்.
- ஒரு விரிவான வியாபாரத் திட்டத்தை உருவாக்குங்கள்: உங்கள் இலக்குகள், உத்திகள், நிதிக் கணிப்புகள் மற்றும் அபாய இடர் விடயங்களை முன்னிறுத்தி ஒரு திட்டத்தினை உருவாக்குங்கள்.
- போதுமான நிதியைப் பெறுங்கள்: வங்கி கடன்கள், முதலீட்டாளர்கள் மற்றும் அரசாங்க மானியங்கள் உள்ளிட்ட பல்வேறு நிதி வழிமுறைகளை ஆராயுங்கள்.
- ஒரு வலுவான குழுவை உருவாக்குங்கள்: புதிய முயற்சியில் வெற்றிபெற தேவையான திறன்கள் மற்றும் அனுபவத்துடன் திறமையான நபர்களை நியமிக்கவும்.
- கண்காணித்து மாற்றியமைக்கவும்: உங்கள் முன்னேற்றத்தை தொடர்ந்து கண்காணியுங்கள், பின்னூட்டங்களை சேகரிக்கவும், உங்கள் வியூகங்களில் தேவையான மாற்றங்களைச் செய்யவும்.
பல்வகைப்படுத்தலில் இடர்கள் இல்லாமலில்லை, ஆனால் நிலையான வளர்ச்சி மற்றும் நீண்டகால வெற்றியை அடைவதற்கு இலங்கையின் சிறிய மற்றும் நடுத்தர அளவிலான தொழில்முயற்சிகளுக்கு இது ஒரு பெறுமதிமிக்க கருவியாக இருக்க முடியும். உங்கள் விருப்பங்களை கவனமாக பரிசீலித்து, நன்கு சிந்திக்கப்பட்ட மூலோபாயத்தை செயல்படுத்துவதன் மூலம், உங்கள் வணிகம் தற்போது எதிர்கொள்ளும் எந்தவொரு சரிவையும் நீங்கள் சமாளிக்கலாம், ஒரு புதிய வர்த்தகத்திற்கான கதவுகளைத் திறக்கலாம் என்பதோடு நீடித்த வளர்ச்சியினையும் பாதுகாக்கலாம்.
>>>சிறு மற்றும் நடுத்தர தொழில்முனைவர் தாம் எதிர்நோக்கும் தடைகளை வெல்வதற்கான உத்திகள்
