மட்டுப்படுத்தப்பட்ட வளங்கள் மற்றும் உட்கட்டமைப்பு வசதிகள் இருப்பதன் காரணமாக இலங்கை போன்ற வளர்ந்து வரும் நாடொன்றில் எந்த வியாபாரத்திற்காகவும் கவரும் தன்மை கொண்ட கடைத்தொகுதியினை வடிவமைப்பதானது சவாலாக அமைய முடியும். எனினும் கவனத்துடனான திட்டமிடல் மற்றும் திறமையான ஆளுகை என்பவற்றின் வாயிலாக வரவேற்க கூடிய, சிறந்த தொழிற்பாடுடைய ஒரு இடத்தினை அமைக்க முடியும். இதனை விரிவாக பார்ப்போம்.
1. உங்கள் இலக்கு சந்தையினை அறிந்து கொள்ளல்
கவர்ச்சிமிக்க கடை நிலையமொன்றை வடிவமைப்பதின் முதற்படி உங்கள் இலக்கு சந்தையைப் பற்றி அறிவதாகும். வாடிக்கையாளர்களின் எண்ணிக்கை என்ன? வாடிக்கையாளர்களின் தேவைகள் மற்றும் விருப்பங்கள் என்ன? அவர்கள் செலவு செய்ய இருக்கும் பணத்தின் அளவு (Customer’s Budget) என்ன? போன்றவை தொடர்பில் அறிந்து வைத்திருப்பதோடு உங்கள் கடையின் சந்தைப்படுத்தல் மற்றும் உங்கள் வாடிக்கையாளர்களின் விருப்பத்தேர்வுகள் பற்றி கற்பதும் சிறந்த அனுபவத்தினை வழங்கும். இது உற்பத்திகள் மற்றும் விலைக்கு ஏற்ற வகையிலும் காணப்படும். உதாரணமாக ஒரு உயர் தயாரிப்பிற்கு (High-End Product) சிறந்த வடிவமைப்பு மற்றும் காட்சியமைப்பு தேவைப்படும், ஆனால் குறைந்த செலவு செய்பவருக்காக எளிமையான உற்பத்தி ஒன்றுக்காக எளிமையான காட்சியமைப்பைத் தெரிவு செய்யலாம்.
2. உங்கள் கடைநிலையத்தை இலகுவில் கண்டறியும் வகையில் செய்தல்
கவர்ச்சிகரமான கடை நிலையமொன்றினை வடிவமைப்பதில் ஒரு பகுதியாக அதன் அமைவிடம் காணப்படும். குறிப்பாக இலங்கை போன்ற வளர்ந்து வரும் நாட்டில் உற்பத்தியின் இறுதி விலை அத்தியாவசியமாக இருப்பதனால் உங்கள் கடையை எளிதாகக் கண்டுபிடிப்பது முக்கியமானதாகும். இது ஒழுங்கான வாகனத் தரிப்பிடம், பிரதான வீதியில் இருந்தான எளிய அணுகல் மற்றும் தெளிவான தகவல் பதாதைகள் போன்றவற்றினை பயன்படுத்துவதையும் குறிக்கின்றது. உங்கள் கடையை விளம்பரப்படுத்த ஒன்லைன் உள்ளடக்கங்கள் (Online Directories) மற்றும் சமூக ஊடகங்கள் போன்றவற்றினைப் பயன்படுத்துவதையும் நீங்கள் பரிசீலனை செய்ய முடியும்.
3. சிறந்த வரவேற்பு அனுபவம்
உங்கள் கடைநிலையத்தின் சூழல் அதன் தோற்றத்தைப் போலவே முக்கியமானது. உங்களது கடை சுத்தமாகவும், காற்றோட்டமாகவும், நன்கு பராமரிக்கப்படுவதையும் உறுதிப்படுத்திக் கொள்ளுங்கள். ஒரு மிதமான சூழ்நிலையை உருவாக்க மெல்லிசை, விளக்குகள் மற்றும் வர்ணங்களைப் பயன்படுத்தவும். குறிப்பாக வாடிக்கையாளர்களுடன் வரும் பெரியவர்கள் அல்லது மகளிர் வாடிக்கையாளர்களின் கணவர்களுக்கு அமர்வதற்காக வசதியான இருக்கைகளை வழங்கவும். நீங்கள் பல்வேறு வகையான பொருட்களைத் திட்டமிடுகிறீர்கள் என்றால், வாடிக்கையாளர்களுக்கு அதிக நேரம் தேவைப்படும். இந்த சந்தர்ப்பத்தில் குழந்தைகள் விளையாடும் பகுதி மற்றும் சிற்றுண்டி வழங்கும் இடங்கள் போன்றவற்றினை உருவாக்கலாம்.
4. வினைத்திறனான வியாபார உத்திகளை உபயோகியுங்கள்
வினைத்திறனான வியாபார உத்திகளை உபயோகம் செய்வதானது, உங்களுக்கு வாடிக்கையாளர்களை ஈர்க்க உதவும் என்பதோடு அது அவர்களது கொள்வனவிற்கும் வழிவகுக்கும். நீங்கள் கண்கவர் காட்சியமைப்புக்களை உபயோகம் செய்வதோடு, பொருட்கள் சிறப்பாக ஒழுங்கு செய்யப்பட்டிருப்பதனை உறுதி செய்து அவற்றை வாடிக்கையாளர்கள் இலகுவில் தெரிவு செய்யும் வகையில் கட்டமையுங்கள். அத்துடன் பொருட்களுடன் அவற்றினது விலையும் இருப்பது விடயங்களை இன்னும் சிறப்பாக மாற்றும்.
5. சிறந்த வாடிக்கையாளர் சேவையை வழங்குதல்
எந்தவொரு வியாபாரத்திற்கும் சிறந்த வாடிக்கையாளர் சேவை அவசியமாகும். உங்கள் ஊழியர்கள் நட்புடன், வாடிக்கையாளர்களுக்கு உதவியாக இருக்க பயிற்சி அளிக்கவும். சரியான உடல் பாவனைகளுடன் வாடிக்கையாளளை முகம் கொடுங்கள். சில வாடிக்கையாளர்களை குறிப்பிட்ட உடல் பாவனைகளை விரும்பாவிட்டால் அதற்கு ஏற்றால்போல் செயற்படுங்கள். உங்கள் ஊழியர்கள் உங்கள் உற்பத்திகளைப் தெரிந்தவர்களாக இருக்க பயிற்சி வழங்குவதோடு, வாடிக்கையாளர்கள் கேட்கும் கேள்விகளுக்கு பதில் வழங்க முடிகின்ற நிலையில் இருப்பதனை உறுதிப்படுத்தவும்.
6. உள்ளூர் மூலப்பொருட்கள் மற்றும் உள்ளூர் கைவினைத்திறன் போன்றவற்றை கருத்திற் கொள்ளவும்
உள்ளூர் உற்பத்தி மூலப்பொருட்கள் மற்றும் கைவினைத்திறன் என்பவற்றினை உபயோகம் செய்வது தனித்துவம் கொண்ட ஒரு கடைநிலையத்தினை உருவாக்கலாம். அத்துடன் இது உள்நாட்டு பொருளாதார அபிவிருத்திக்கும் உதவும். உள்ளூர் கைவினைத்திறனாளர்களுக்கு அங்கீகாரம் வழங்கும் பதாதைகளை வைப்பது இன்னும் சிறப்பாகும்.
7. சமூகவலைதளம் மற்றும் ஏனைய ஊடகங்கள் வாயிலாக உங்களது கடைநிலையத்தினை விளம்பரப்படுத்துங்கள்
ஒரு கடைநிலையத்தை விளம்பரப்படுத்தும்போது சமூக ஊடகங்களை புறக்கணிக்க முடியாதவையாக காணப்படுகின்றன. சில சமயங்களில் உங்கள் கடைக்குச் செல்வதற்கு முன்பே உங்கள் கடை பற்றிய பொதுவான தகவல்கள் அடங்கிய இணையதளம் அல்லது சமூகவலைதளக் கணக்குகள் வாடிக்கையாளர்களுக்கு பெரிதும் உதவும். உங்கள் கடை மற்றும் உற்பத்திகளின் புகைப்படங்களைப் பகிர சமூக ஊடகங்களைப் பயன்படுத்தவும். நீங்கள் விளம்பரங்களை உபயோகம் செய்வதோடு, உள்ளூர் நிகழ்வுகளில் பங்கேற்பதனையும் கருத்திற் கொள்ளலாம்.
இந்த விடயங்களை ஒன்றிணைத்திருப்பதன் மூலம் நாங்கள் உங்கள் கடைநிலையத்தின் முன்னேற்றம் குறித்து அதிகம் யோசித்திருப்பதனை அறிய முடியுமாக இருக்கும். அத்துடன் இவை உங்களது கடைநிலையத்திற்கான வினைத்திறன் மிக்க வடிவமைப்பு ஒன்றை உருவாக்கவும், உங்கள் வாடிக்கையாளர்களை தொடர்ந்து வைத்திருக்கவும் உதவியாக அமையும் எனவும் நம்புகின்றோம்.
மேலதிக உதவிக்குறிப்புக்கள்:
- உங்களது கடையினை சுத்தமாகவும், தொடர்ந்து பராமரிக்கப்பட்டதாகவும் வைத்திருங்கள்.
- உயர்தரமிக்க மூலப்பொருட்களையும், வடிவமைப்பினையும் கருத்திற்கொள்ளுங்கள்.
- உங்களது கடைக்குரித்தான உணர்வொன்றை உருவாக்குங்கள்.
- மாற்றங்களை எதிர்கொள்ளவும், நெகிழ்வுத்தன்மையுடனும் இருங்கள்
- உங்களது கடை நிலையத்தின் வடிவமைப்பினை தொடர்ந்து மதிப்பீடு செய்யுங்கள்.
வாழ்த்துக்கள். உங்களது பின்னூட்டங்களை வழங்குவதன் மூலம் ஒருவரின் வளர்ச்சிக்கு ஒருவர் உறுதுணையாக மாறுங்கள்!
