ශ්‍රී ලංකාවේ කුඩා හා මධ්‍යම ප්‍රමාණයේ ව්‍යවසායකයන්ගේ (SME) විචිත්‍රවත් භූදර්ශනය තුළ ඵලදායි විකුණුම්වල සූක්ෂ්මතාවන් අවබෝධ කර ගැනීම තිරසාර සාර්ථකත්වයට සහ වර්ධනයට ඉතා වැදගත් වේ. ශ්‍රී ලංකාවේ කුඩා හා මධ්‍ය පරිමාණ ව්‍යාපාර සඳහා, උපාය මාර්ගික විකුණුම් පිළිවෙත් ක්‍රියාත්මක කිරීම මගින් ඔවුන්ගේ ව්‍යාපාර කෙරෙහි සැලකිය යුතු අන්දමේ බලපෑමක් ඇති කළ හැකි.
ශ්‍රී ලංකාවේ කුඩා සහ මධ්‍ය පරිමාණ ව්‍යාපාර වර්ධන උපායමාර්ග
ඔබේ ගනුදෙනුකරුවන් හඳුනා ගන්න:
ඔබේ විකුණුම් වපසරිය සකසා ගැනීමට පෙර, ඔබේ ඉලක්ක ගත ගැනුම්කරුවන්ව අවබෝධ කර ගැනීමට ගැඹුරු පර්යේෂණ සිදු කරන්න. සංස්කෘතික වෙනස්කම්, කලාපීය කැමැත්ත සහ ඔබේ පාරිභෝගිකයින්ගේ විශේෂ සහ වෙනස් අවශ්‍යතා පිළිබඳව සලකා බලන්න. එය සිල්ලර අලෙවිසැලක් නම්, එය පවතින ප්‍රදේශය සහ එහි ඉතිහාසය අධ්‍යයනය කිරීම ඉතා වැදගත් වේ. ප්‍රාදේශීය ප්‍රජාව සමඟ අනුනාද වන අයුරින් ඔබේ පණිවිඩ සකස් කර ගැනීම දෙපාර්ශවය අතර විශ්වාසය ගොඩනඟා දිගු කාලීන සබඳතා වර්ධනය කරනු ඇති.
කල් පවත්නා සබඳතා ගොඩනඟා ගන්න:
ශ්‍රී ලංකාව තුළ පුද්ගල සම්බන්ධතාවල ඇති ඉහළ වටිනාකම හඳුනා ගනිමින්, ඉක්මන් ගනුදෙනුවලට වඩා සබඳතා ගොඩනැගීම වෙනුවෙන් ප්‍රමුඛතාව ලබා දෙන්න. ඔබේ ව්‍යාපාරය, අනෙක් ව්‍යාපාරවලින් වෙනස් එකක් බවට පත් කරවන විශ්වාසය සහ බැඳීම තහවුරු කර ගැනීම සඳහා ජාලකරණය (Networking), ප්‍රාදේශීය වැඩසටහන්වලට සහභාගී වීම සහ ප්‍රජාව සමඟ සම්බන්ධ වීමට කාලය වෙන් කරන්න. තනි පාරිභෝගිකයෙකු සමඟ සිදු කරන අව්‍යාජ සංවාදයක්, නිසැකවම ඔවුන් නැවත ඔබ වෙත රැගෙන එනු ඇත.
වටිනාකම ප්‍රචාරණය කරන්න:
ඔබේ නිෂ්පාදනයේ හෝ සේවාවේ ඇති අද්විතීය වටිනාකම පැහැදිලිව ප්‍රචාරණය කරන්න. ඔබේ සේවාවන්, ඔබේ පාරිභෝගිකයින්ගේ නිශ්චිත අවශ්‍යතා සපුරාලන ආකාරය මෙන්ම, ඒවා ඔවුන්ගේ ජීවිත වැඩිදියුණු කරවන ආකාරය ද එහි දී අවධාරණය කරන්න.
ඩිජිටල් ප්‍රතිරූපය සහ තාක්ෂණය භාවිත කිරීම:
පරිශීලක හිතකාමී වෙබ් අඩවියක් මඟින් හොඳ ප්‍රතිරූපයක් ස්ථාපිත කර ගැනීම, සමාජ මාධ්‍යවල ක්‍රියාශීලී වීම සහ අන්තර්ජාල වෙළඳකරණය (E- Marketing) සමඟ අත් වැල් බැඳ ගැනීම කළ යුතු වේ. භෞතික සීමාවෙන් ඔබ්බට ඔබේ ප්‍රවේශය පුළුල් කිරීම සඳහා ඩිජිටල් වේදිකාවල බලය භාවිතා කරන්න.
තරගකාරී මිල කරණය:
වෙළඳපොළේ මිල සංවේදිතාව හඳුනා ගනිමින්, ගුණාත්මක භාවය පවත්වා ගනිමින් තරගකාරී මිල ගණන් තීරණය කිරීම සඳහා පරිපූර්ණ වෙළඳපළ පර්යේෂණ සිදු කළ යුතුය. එමෙන්ම ගනුදෙනුකරුවන් ආකර්ෂණය කර ගැනීම වෙනුවෙන් සහ රඳවා ගැනීම වෙනුවෙන් විශේෂ ප්‍රවර්ධන, වට්ටම් හෝ පක්ෂපාතී වැඩසටහන් (Loyalty Programs) භාවිතා කරන්න.
තවත් වීඩියෝ – අලෙවිකරණය – වෙළඳපළ හඳුනා ගැනීම සහ විනිවිද යාම
ඔබේ විකුණුම් කණ්ඩායම ශක්තිමත් කිරීම:
සාර්ථකත්වය සඳහා තීරණාත්මක වන ඵලදායී සන්නිවේදනය, නිෂ්පාදන පිළිබඳ දැනුම සහ වාචික කුසලතා යන අංශවලින් ඔබේ විකුණුම් කණ්ඩායම සන්නද්ධ කිරීම වෙනුවෙන්, සේවක පුහුණු වීම් සඳහා ආයෝජන සිදු කරන්න.
වෙනස් වන ව්‍යාපාරික භූදර්ශනයට අනුගත වන්න:
වෙළඳපළ ප්‍රවණතා, පාරිභෝගික හැසිරීම් සහ ආර්ථික වෙනස් වීම් පිළිබඳ ව හොඳ අවබෝධයෙන් සිටිය යුතුය. වෙනස් වන ඉල්ලීම් සපුරාලීමට සහ නිතර වෙනස් වන ව්‍යාපාරික භූදර්ශනයේ නැගී එන අවස්ථා ප්‍රයෝජනයට ගැනීමට ඔබේ විකුණුම් උපාය මාර්ගය සකස් කරගන්න.
පාරිභෝගික කේන්ද්‍රීය ප්‍රවේශය:
සුවිශේෂී පාරිභෝගික සේවාව ඉතා වැදගත් වේ. පාරිභෝගික ප්‍රතිචාරවලට ප්‍රමුඛතාව ලබා දෙමින්, අවශ්‍යතා ක්ෂණිකව ආමන්ත්‍රණය කරන්න. එමෙන්ම ඔබේ සන්නාමය සඳහා විශ්වාසවන්ත ප්‍රවර්ධකයින් ලෙස ක්‍රියාකරන තෘප්තිමත් ගනුදෙනුකරුවන් නිර්මාණය කිරීම වෙනුවෙන් ඔවුන්ගේ අපේක්ෂාවන් ඉක්මවා යන අන්දමේ සේවාවක් නොකඩවාම ලබා දෙන්න.
මෙම උපාය මාර්ග ක්‍රියාවට නැංවීමෙන්, ශ්‍රී ලංකාවේ කුඩා හා මධ්‍ය පරිමාණ ව්‍යවසායකයින් හට ඔවුන්ගේ සබැඳි දෘශ්‍යතාව (Online Visibility) වැඩිදියුණු කර ගත හැකි අතර, ශ්‍රී ලංකා වෙළඳපොළේ වෙනස් හරයක් සමඟ වර්ධනය සහ සාර්ථකත්වය ළඟා කර ගන්නා ව්‍යාපාර පිළිබඳ උනන්දුවක් දක්වන ඉලක්ක ගත පාරිභෝගිකයන් පිරිසක් ආකර්ෂණය කර ගැනීමට ද හැකි වනු ඇති.
