ඔබ නව ව්‍යාපාරයක් ආරම්භ කර ඇත්නම් හෝ දශක ගණනාවක් තිස්සේ ගනුදෙනුකරුවන්ට යම් සේවාවක් සපයන සංවිධානයක අයෙකු නම්, ඔබේ ප්‍රධාන ඉලක්කය වන්නේ ඔබේ සේවාව පිළිබඳව ඵලදායී කතිකාවතක්නි ර්මාණය කිරීමයි. ඔබේ හරය සහ සාර්ථකත්වය අලෙවිකරණයේ විශිෂ්ට නිර්මාණය වනවා. ඕනෑවට වඩා තොරතුරු හුවමාරු වන වර්තමාන ඩිජිටල්යු ගයේ, ප්‍රබල ප්‍රවේශයක් සමඟ නව ලෝකයට පිවිසීමේ අවශ්‍යතාවය සන්නාම වෙළඳ ප්‍රචාරණය සඳහා වඩාත් වැදගත්ව නවා.
එහි දී වැදගත් සහ ඵලදායී ප්‍රචාරණයන් නිර්මාණය කිරීමේ ප්‍රධාන පියවර කිහිපයක් පහත දැක්වෙනවා.
ඔබගේ ප්‍රධාන පණිවිඩය හඳුනා ගන්න.
ඔබ සමාජ මාධ්‍ය දැන්වීමක් හෝ e-flyer (විද්‍යුත් දැන්වීමක්) සැලසුම් කරන්නේ නම්, ඔබ පළමුව ඔබේ වැදගත්ම පණිවිඩය කුමක් දැයි හඳුනාගත යුතුයි. ප්‍රේක්ෂකයින් ව්‍යාකූලත්වයට පත් කරන සහ ඔබේ ප්‍රචාරණය මතක තබා ගත නොහැකි පණිවිඩ කිහිපයක් එකවර ප්‍රචාරණය නොකිරීමට වගබලාගත යුතුය. ඔබේ සැලසුම් සහ ප්‍රචාරණයේ අන්තර්ගත ලිවීම් සියල්ල මෙම හරය වටා ගොනුවිය යුතුය.
දෘශ්‍ය සංහිඳියාව.
මිනිස් මනස චිත්තවේගීය මට්ටමින් වර්ණ සමඟ සම්බන්ධ වන බැවින් ඔබේ වෙළඳ නාමයේ වර්ණය දෘශ්‍ය පදනමේ වැදගත් අංගයක් වනවා. චිත්තවේගී වර්ණ තේරීම මඟින් ඔබේ වෙළඳ නාමය වඩාත් හොඳින් නිර්වචනය කරන ‘වර්ණ තලයක්’ හෝ වර්ණ පරාසයක් තෝරාගත යුතු වනවා. උදාහරණයක් ලෙස සම්බාහන මධ්‍යස්ථානයකට සන්සුන් බව නිරූපණය කරන පැස්ටල් නිල්ස හ කොළ වර්ණ තෝරා ගත හැකි අතර ශක්තිජනක පානයකට රතු සහ තැඹිලි වැනි විචිත්‍රවත් වර්ණ තෝරා ගත හැකි වනවා.
වර්ණය සහ දෘශ්‍ය ස්වරය ඔබේ නිර්මාණයේ මූලික අංගයක් වන අතර ඔබේ වෙළඳ නාමය සඳහා කල්පවත්නා අනන්‍යතාවයක් නිර්මාණය කරනවා. එමඟින් පාරිභෝගිකයින් ඔබේ අලෙවිකරණය සමඟ පහසුවෙන් සම්බන්ධ කිරීමට සමත්වනවා.
ඡායාරූප සහ රූප තෝරාගැනීම.
රූපයකට වචන දහසක් පැවසිය හැකි අතර, තොරතුරු අධික ලෙස හුවමාරු වන කාලයක් වන මෙම කාලයට වඩා ඡායාරූප යොදාගැනීම වැදගත් වන කාලයක්. ප්‍රේක්ෂකයින් ඔබේ සමාජ මාධ්‍ය දැන්වීම දැක එයට අවධානය යොමු කිරීම හෝ ඔබේ දැන්වීම කියවීමට කාලය ගත කිරීමට ප්‍රධාන හේතුව ඔබ යොදාගන්නා ආකර්ශනීය රූප විය හැකියි. නිර්මාණකරුවන් සඳහා නොමිලේ ලබාගත හැකි පින්තූර සහ රූප කොටස් සඳහා පහසු ප්‍රවේශයක් තිබීම සතුටට කරුණක්.
ඔබේ නිර්මාණය සඳහා භාවිතා වන වචන ප්‍රමාණය යම් තාක් දුරකට අඩු හෝ වැඩි විය හැකියි. එහි දී කෙටි සහ සරල නමුත් බලපෑමක් කළ හැකි වචන භාවිතා කළ යුතු වනවා. මූලික වශයෙන්, ඔබේ අදහස ඉදිරිපත් කිරීමට වැදගත් නොවන සියල්ල ඉවත් කරන්න.
ප්‍රතිලාභ කෙරෙහි අවධානය යොමු කිරීම.
ඔබේ සේවය හෝ භාණ්ඩ පරිභෝජනය කිරීමේ ප්‍රතිලාභ ඔබේ ප්‍රේක්ෂකයින් දැන සිටිය යුතුයි. නිර්මාණකරුවන් සිදු කරන පොදු වැරැද්දක් වන්නේ ‘ප්‍රතිලාභ’ වලට වඩා ‘විශේෂාංග’ ප්‍රදර්ශනය කිරීමට උත්සාහ කිරීමයි. ප්‍රතිලාභ සඳහා ප්‍රමුඛත්වය දීමෙන් අපි පාරිභෝගිකයාට ඔවුන් වෙනුවෙන් කළ හැකි දේ පැවසීමට උත්සාහ කළ යුතු වනවා. එහි දී විශේෂිත විස්තර පිළිබඳ ඕනෑවට වඩා තොරතුරු බෙදාහදා ගැනීමට වඩා දෘශ්‍යව තොරතුරු සන්නිවේදනය කිරීම අවශ්‍ය වනවා. සම්බාහන මධ්‍යස්ථානයක් ගතහොත් එහි ප්‍රතිකාරයක ලක්ෂණ වන්නේ සම්බාහනය සඳහා භාවිතා කරන තෙල් වර්ග සහ සම්බාහන කාලසීමාව විය හැකියි. එම සේවාව ලබාගැනීමේ ප්‍රතිලාභය වන්නේ ආතතිය දුරු කිරීම සහ සමස්ත සේවයෙන් අවසානයේ ලැබෙන සතුටයි.
එහි දී මතක තබා ගත යුතු කරුණක් වන්නේ, ඕනෑවට වඩා ලබා දෙන තොරතුරු වලට වඩා ප්‍රේක්ෂකයාට ඔබව හැඟුණු ආකාරය දිගු කාලයක් මතකයේ තිබීමයි.
ධෛර්යවත් වන්න.
මෙම ක්ෂේත්‍රය තුළ වැඩ කිරීමට අවශ්‍ය පරාමිතීන් ලෙස ක්‍රියා කරන ප්‍රධාන මාර්ගෝපදේශ කිහිපයක් අප විසින් ලැයිස්තුගත කර තිබුනත්, සෑම විටම ධෛර්යවත් වීමට මතක තබා ගන්න.
හොඳම නිර්මාණය කිරීමට නම් නිර්මාණාත්මක නිදහස අවශ්‍ය වනවා. ඒ සඳහා අත්හදා බැලීම් සහ නව දේවල් උත්සාහ කිරීම වැදගත් වනවා.
විශිෂ්ට නිර්මාණයක් ලැබෙන්නේ ඉහළම ශ්‍රේණිගත කිරිම්වල සිටින නිර්මාණ ආයතනවලින් පමණක් නොවේ. උද්‍යෝගිමත් පුද්ගලයින්ගෙන් සමන්විත කුඩා කණ්ඩායම් හෝ ස්වාධීනව සේවය කරන දක්ෂ පුද්ගලයෙකුට පවා සමහර විට වඩාත් ආකර්ෂණීය ව්‍යාපාර දියත් කළ හැකියි. එවැනි පුද්ගලයන් බොහෝ විට වඩාත් සාර්ථක වෙළඳ නාම කිහිපයක් පිටුපසින් සිට තිබෙනවා. මේ ඔබ සමඟ වැඩ කිරීමට අවශ්‍ය පුද්ගලයන් විය හැකි!
තවත් වටිනා ව්‍යාපාරික දැනුම සඳහා අපේ වෙබ් අඩවිය වෙත පිවිසෙන්න
